புறநானூறு - 194

புறநானூறு - 194 வது பாடல்


விளக்கம் : 

இந்த உலகம் எப்படி பட்டதாம் ? அதன் இயல்பை உணர்ந்தோர் எதை காண்பராம் ?

ஒரு வீட்டில் சாவிற்கான பறை ஒலிக்கிறது. மற்றொரு வீட்டில் மகிழ்ச்சி தரும் முழவின் சங்கீதம் ஒலிக்கிறது. ஒரு வீட்டில் மணமக்கள் பூமாலை சூடி மகிழ்கிறார்கள். மற்றொரு வீட்டிலோ உயிர் பிரிந்த துணையினால், தலைவி மையிட்ட கண்களில் நீர் கோர்த்து துன்புற்று வாடுகிறாள். இப்படி இரண்டும் கலந்த இனிமையற்ற இவ்வுலகை படைத்தவன் நிச்சயமாக பண்பில்லாதவனே. இருந்தபோதும் இவ்வுலகின் இயல்பை உணர்ந்தோர் அதிலுள்ள இனியதை மட்டும் காண்பர். 

பாடல் : 

ஓர் இல் நெய்தல் கறங்க, 
ஓர் இல் ஈர்ந்தண் முழவின் பாணி ததும்பப்,
புணர்ந்தோர் பூவணி அணிய,
பிரிந்தோர் பைதல் உண்கண் பனிவார்பு உறைப்ப,
படைத்தோன் மன்ற, அப் பண்பி லாளன்!
இன்னாது அம்ம, இவ் வுலகம்;
இனிய காண்க, இதன் இயல்புணர்ந்தோரே.
                                                
~ பக்குடுக்கை நன்கணியார் 


சொல் விளக்கம் : 

👉 ஓர் இல் நெய்தல் கறங்க

ஓர் இல் - ஒரு வீட்டில்
நெய்தல் - நெய்தல் நிலத்திற்குரிய சாவு பறை
கறங்க - ஒலிக்க

👉 ஓர் இல் ஈர்ந்தண் முழவின் பாணி ததும்ப

ஓர் இல் - ஒரு வீட்டில்
ஈர்ந்தண் - இனிய மகிழ்வான
முழவு - தமிழரின் ஒரு வகையான இசைக்கருவி
பாணி - சங்கீதம்
ததும்ப - முழங்க

👉 புணர்ந்தோர் பூவணி அணிய

புணர்ந்தோர் - கூடினோர், மணமக்கள்
பூவணி - பூமாலை
அணிய - சூட

👉 பிரிந்தோர் பைதல் உண்கன் பனிவார்பு உறைப்ப

பிரிந்தோர் - உரியவனை இழந்தவள்
பைதல் - துன்பம்
உண்கண் - மை எழுதிய கண், மையிட்ட கண்
பனிவார்பு - நீர் வார்த்து
உறைப்ப - உதிர்க்க

👉 படைத்தோன் மன்ற, அப் பண்பிலாளன்!

படைத்தோன் - படைத்தவன்
மன்ற - உறுதியாக [ஐயப்பாட்டை நீக்கி உறுதி செய்யும் பொருளில் வரும் ]
அப்பண்பிலாளன்- அந்த பண்பு இல்லாதவன்

👉 இன்னாது அம்ம, இவ்வுலகம்

இன்னாது - இனியது அன்று
அம்ம - கேளுங்கள், [ கேட்பிக்கும் பொருளில் வரும் ]

👉 இனிய காண்க! இதன் இயல்பு உணர்ந்தோரே.

இனிய காண்க - நல்லதை காணுங்கள்






Comments

Post a Comment

Popular posts from this blog

கம்பராமாயணம் - 02

விளக்கம் :  சத்தமிடும் பால் போன்ற கடலை,  பூனையொன்று தன் நாவால் நக்கி முழுதும் பருகிடத் துணிவது போல் ஆசை கொண்டு சொல்லத் தொடங்கினேன் இக்குற்றமற்ற, வெற்றி உடைய ராமனின் கதையை... பாடல் :  ஓசை பெற்று உயர் பாற்கடல் உற்று. ஒரு பூசை முற்றவும் நக்குபு புக்கென. ஆசை பற்றி அறையலுற்றேன் - மற்று. இக் காசு இல் கொற்றத்து இராமன் கதைஅரோ! சொல் விளக்கம் : 👉 ஓசை பெற்று உயர் பாற்கடல் உற்று ஓசை பெற்று - ஒலிகளைக் கொண்ட உயர் பாற்கடல் உற்று - உயர்வான பால் போன்ற கடலை அடைந்து 👉 ஒரு பூசை முற்றவும் நக்குபு புக்கென ஒரு பூசை - ஒரு பூனை முற்றவும் - முழுவதையும் நக்குபு - நக்குதல் புக்கென - பு(க்)கு + என புகு - நுழைவது, செல்வது 👉 ஆசை பற்றி அறையலுற்றேன் மற்று அறையலுற்றேன் - அறையல் + உற்றேன் சொல்லத் தொடங்கினேன் மற்று - அசைநிலை. இதற்கு அர்த்தம் ஏதும் அகிடையாது. ஓசை நயத்திற்காக இங்கு சேர்க்கப்பட்டுள்ளது. 👉 இக்காசு இல் கொற்றத்து இராமன் கதைஅரோ! இக்காசு - இந்த + ஆசு ஆசு - குற்றம் இல் - இல்லாத கொற்றம் - வெற்றி அரோ - அசைநிலை. இதற்கும் அர்த்தம் ஏதும் கிடையாது. ஓசை நய...
Read more

உயிரெழுத்தும் ஓரெழுத்தும்

Image
மல்லாக்கப் படுத்துட்டு அப்டியே யோசிட்டு இருந்தப்ப, தமிழ்ல இருக்குற மாதிரி English-ல ஓரெழுத்துச் சொற்கள் ஏதாவது இருக்கான்னு தேடிப்பார்த்தேன்.  எனக்கு தெரிஞ்சு இல்ல.  (இருந்தா சொல்லுங்க மாத்திப்போம்) தமிழ்-ல இருக்குற ஓரெழுத்துச் சொற்கள் மட்டும்  42   க்கும் மேல. தமிழின் முதல் எழுத்து 'அ' கூட ஒரு ஓரெழுத்து சொல் தான். ஓரெழுத்துச் சொல் என்றால் என்னவென்று முதலில் பார்ப்போம். நான் சிந்திக்கிறேன், ஆகையால் நான் இங்கு இருக்கிறான் ( I think, therefore I am ~ René Descartes )‌ 'சிந்தனை' என்பதன் பொருளை படிப்பவர்களுக்கு உணர்த்த நான்கு எழுத்துக்கள் சேர்ந்து நிற்கவேண்டி இருக்கிறது. தமிழில் சில எழுத்துக்கள் உண்டு. அவை தன்னந்தனியே நின்று ஒரு அர்த்தத்தைத் (meaning)  தந்து, 'Thug' காட்டிவிட்டு போகும். அவை தான் ' ஓரெழுத்துச் சொற்கள்' . தமிழில் உயிரெழுத்துக்கள் 12. அதில் 11 எழுத்துக்கள் ஓரெழுத்துச் சொற்கள்.  ( Ben-Hur ) 'ஓ'  மட்டும் கிடையாது . ( Ben-Hur படம் ஞாபகம் வருகிறதா ? Oscar-ல் 12 பிரிவில் பரிந்துரைக்கப்பட்டு 11 வ...
Read more