Google india trends - 2018

இந்த ஆண்டு முடியவிருக்கும் நிலையில், இந்தியர்கள் 2018-ம் ஆண்டில் அதிகமாக தேடியவை குறித்தான பட்டியலை கூகுள் இந்தியா வெளியிட்டுள்ளது. 2018-ம் ஆண்டு ஃபிஃபா உலகக்கோப்பை கால்பந்து குறித்து இந்தியர்கள் அதிகமாக தேடியுள்ளனர்.

 ஆளுமைகள், திரைப்படங்கள், செய்திகள், விளையாட்டுகள், பாடல்கள், அருகில் இருப்பவை குறித்த தேடல், ஒட்டுமொத்தமாக அதிகம் தேடியவை, 'என்ன ?' மற்றும் 'எப்படி ?' என்ற கேள்விகளுடன் தொடர்புடைய தேடல்கள் என ஒன்பது பிரிவுகளின் கீழ் இந்தியர்களின் தேடல்களை கூகுள் இந்தியா பட்டியலிட்டுள்ளது.

அதிகமாக தேடப்பட்ட ஆளுமைகளின் பட்டியலில், இந்தி நடிகை ப்ரியங்கா சோப்ரா-வை பின்னுக்குத் தள்ளி, மலையாள நடிகை ப்ரியா வாரியர் முதலிடம் பெற்றுள்ளார். ப்ரியங்கா சோப்ராவை மணந்த நிக் ஜோனஸ் இப்பட்டியலில் இரண்டாம் இடம் பிடித்துள்ளார். ப்ரியங்கா சோப்ரா நான்காம் இடம் பிடித்துள்ளார்.


அதிகமாக தேடப்பட்ட திரைப்படங்களின் பட்டியலில் ஷங்கர் இயக்கி ரஜினி நடித்த '2.0' முதலிடம் பெற்றுள்ளது. இரண்டாம் மற்றும் மூன்றாம் இடங்களை, டைகர் ஷெராஃப் நடித்த 'பாஹி 2' மற்றும் சல்மான் கான் நடித்த 'ரேஸ் 3' பிடித்துள்ளது.

" சட்டப்பிரிவு 377 என்றால் என்ன ? " என்ற கேள்வி 'என்ன ?' பட்டியலில் முதலிடம் பெற்றுள்ளது. கடந்த செப்டம்பர் மாதம், தன் பாலின உறவு குற்றம் எனக் கூறும் சட்டப்பிரிவு 377-ஐ உச்சநீதிமன்றம் ரத்து செய்து வரலாற்று முக்கியத்துவமான தீர்ப்பு ஒன்றை எழுதியது. 'மீ டூ' என்றால் என்ன ?, கிகி சேலஞ்ச் என்றால் என்ன ? போன்ற கேள்விகளும் இப்பட்டியலில் இடம்பெற்றுள்ளது 


"எப்படி வாட்ஸ் அப்-பில் ஸ்டிக்கர்களை அனுப்புவது ? " என்ற கேள்வி
'எப்படி ?' பட்டியலில் முதலிடம் பெற்றுள்ளது. கடந்த அக்டோபர் மாதம், ஸ்டிக்கர்களை(Stickers) வாட்ஸ் அப் அறிமுகப்படுத்தியது. " எப்படி
மொபைல் எண்ணை ஆதாருடன் இணைப்பது ? " என்ற கேள்வி இப்பட்டியலில் அடுத்த இடத்தைப் பெற்றுள்ளது.

ஃபிஃபா உலகக்கோப்பை குறித்த தேடல் 'செய்திகள்' பட்டியலில்
முதலிடம் பெற்றுள்ளது. கர்நாடகா தேர்தல் முடிவு மற்றும் ப்ரியங்கா சோப்ரா திருமணம் குறித்த தேடல் 'செய்திகள்' பட்டியலில் அடுத்தடுத்த இடங்களை பிடித்துள்ளது. தீபிகா படுகோன் திருமணம் மற்றும் சோனம் கபூர் திருமணம் குறித்த தேடலும் இப்பட்டியலில் இடம் பெற்றுள்ளது.

அதிகமாக தேடிய பாடல்களின் பட்டியலில், 'தில்பர் தில்பர்' என்ற பாடல் முதலிடம் பெற்றுள்ளது. "தாரு பத்நாம்" என்ற பாடல் இரண்டாம் இடம் பெற்றுள்ளது. முந்தைய ஆண்டு மூன்றாவது இடம் பிடித்திருந்த 'despacito' பாடல் இந்த ஆண்டு ஒன்பதாம்‌ இடம் பிடித்துள்ளது.

'அருகில் இருப்பவை' குறித்த தேடல் பட்டியலில், மொபைல் ஸ்டோர், சூப்பர் மார்க்கெட், கேஸ் ஸ்டேஷன் குறித்த தேடல்கள் அடுத்தடுத்த மூன்று இடங்களை பிடித்துள்ளன.

செய்திகள், விளையாட்டு மற்றும் ஒட்டுமொத்தமாக அதிகம் தேடியவை என மூன்று பட்டியலிலும் ஃபிஃபா உலகக்கோப்பை குறித்த தேடலே முதலிடத்தை பெற்றுள்ளது.


Comments

Post a Comment

Popular posts from this blog

புறநானூறு - 194

புறநானூறு - 194 வது பாடல் விளக்கம் :  இந்த உலகம் எப்படி பட்டதாம் ? அதன் இயல்பை உணர்ந்தோர் எதை காண்பராம் ? ஒரு வீட்டில் சாவிற்கான பறை ஒலிக்கிறது. மற்றொரு வீட்டில் மகிழ்ச்சி தரும் முழவின் சங்கீதம் ஒலிக்கிறது. ஒரு வீட்டில் மணமக்கள் பூமாலை சூடி மகிழ்கிறார்கள். மற்றொரு வீட்டிலோ உயிர் பிரிந்த துணையினால், தலைவி மையிட்ட கண்களில் நீர் கோர்த்து துன்புற்று வாடுகிறாள். இப்படி இரண்டும் கலந்த இனிமையற்ற இவ்வுலகை படைத்தவன் நிச்சயமாக பண்பில்லாதவனே. இருந்தபோதும் இவ்வுலகின் இயல்பை உணர்ந்தோர் அதிலுள்ள இனியதை மட்டும் காண்பர்.  பாடல் :  ஓர் இல் நெய்தல் கறங்க,  ஓர் இல் ஈர்ந்தண் முழவின் பாணி ததும்பப், புணர்ந்தோர் பூவணி அணிய, பிரிந்தோர் பைதல் உண்கண் பனிவார்பு உறைப்ப, படைத்தோன் மன்ற, அப் பண்பி லாளன்! இன்னாது அம்ம, இவ் வுலகம்; இனிய காண்க, இதன் இயல்புணர்ந்தோரே.                                                  ~ பக்குடுக்கை நன்கணியார்   சொல...
Read more

கம்பராமாயணம் - 02

விளக்கம் :  சத்தமிடும் பால் போன்ற கடலை,  பூனையொன்று தன் நாவால் நக்கி முழுதும் பருகிடத் துணிவது போல் ஆசை கொண்டு சொல்லத் தொடங்கினேன் இக்குற்றமற்ற, வெற்றி உடைய ராமனின் கதையை... பாடல் :  ஓசை பெற்று உயர் பாற்கடல் உற்று. ஒரு பூசை முற்றவும் நக்குபு புக்கென. ஆசை பற்றி அறையலுற்றேன் - மற்று. இக் காசு இல் கொற்றத்து இராமன் கதைஅரோ! சொல் விளக்கம் : 👉 ஓசை பெற்று உயர் பாற்கடல் உற்று ஓசை பெற்று - ஒலிகளைக் கொண்ட உயர் பாற்கடல் உற்று - உயர்வான பால் போன்ற கடலை அடைந்து 👉 ஒரு பூசை முற்றவும் நக்குபு புக்கென ஒரு பூசை - ஒரு பூனை முற்றவும் - முழுவதையும் நக்குபு - நக்குதல் புக்கென - பு(க்)கு + என புகு - நுழைவது, செல்வது 👉 ஆசை பற்றி அறையலுற்றேன் மற்று அறையலுற்றேன் - அறையல் + உற்றேன் சொல்லத் தொடங்கினேன் மற்று - அசைநிலை. இதற்கு அர்த்தம் ஏதும் அகிடையாது. ஓசை நயத்திற்காக இங்கு சேர்க்கப்பட்டுள்ளது. 👉 இக்காசு இல் கொற்றத்து இராமன் கதைஅரோ! இக்காசு - இந்த + ஆசு ஆசு - குற்றம் இல் - இல்லாத கொற்றம் - வெற்றி அரோ - அசைநிலை. இதற்கும் அர்த்தம் ஏதும் கிடையாது. ஓசை நய...
Read more

உயிரெழுத்தும் ஓரெழுத்தும்

Image
மல்லாக்கப் படுத்துட்டு அப்டியே யோசிட்டு இருந்தப்ப, தமிழ்ல இருக்குற மாதிரி English-ல ஓரெழுத்துச் சொற்கள் ஏதாவது இருக்கான்னு தேடிப்பார்த்தேன்.  எனக்கு தெரிஞ்சு இல்ல.  (இருந்தா சொல்லுங்க மாத்திப்போம்) தமிழ்-ல இருக்குற ஓரெழுத்துச் சொற்கள் மட்டும்  42   க்கும் மேல. தமிழின் முதல் எழுத்து 'அ' கூட ஒரு ஓரெழுத்து சொல் தான். ஓரெழுத்துச் சொல் என்றால் என்னவென்று முதலில் பார்ப்போம். நான் சிந்திக்கிறேன், ஆகையால் நான் இங்கு இருக்கிறான் ( I think, therefore I am ~ René Descartes )‌ 'சிந்தனை' என்பதன் பொருளை படிப்பவர்களுக்கு உணர்த்த நான்கு எழுத்துக்கள் சேர்ந்து நிற்கவேண்டி இருக்கிறது. தமிழில் சில எழுத்துக்கள் உண்டு. அவை தன்னந்தனியே நின்று ஒரு அர்த்தத்தைத் (meaning)  தந்து, 'Thug' காட்டிவிட்டு போகும். அவை தான் ' ஓரெழுத்துச் சொற்கள்' . தமிழில் உயிரெழுத்துக்கள் 12. அதில் 11 எழுத்துக்கள் ஓரெழுத்துச் சொற்கள்.  ( Ben-Hur ) 'ஓ'  மட்டும் கிடையாது . ( Ben-Hur படம் ஞாபகம் வருகிறதா ? Oscar-ல் 12 பிரிவில் பரிந்துரைக்கப்பட்டு 11 வ...
Read more